အနုမြူ-စည်းနှောင်စွမ်းအင်

  အနုမြူ အမှတ်( ၃)              

                   အက်တမ်တခု၏ ဖွဲ့ စည်းပုံကို ရေးသားဖေါ်ပြပေးပြီး ဖြစ်ပါတယ်။အက်တမ်၏ 

အလယ်ဗဟိုတွင် ဝတ်ဆံအဖြစ်ရှိသောနယူကလိယကို  အီလက်ထွန်က  လှည့်ပတ်နေသည်။  

နယူကလိယတွင် ပရိုတွန်နှင့်နယူထွန်တို့  ပါဝင်သည် ။ထို့ ကြောင့် ယေဘုယျအာဖြင့်
အက်တမ်တခုတွင် ပရိုတွန်၊  အီလက်ထွန် ၊ နယူထွန်  စသည့် အမှုန်သုံးမျိုး  ပါဝင်နေကြောင်း သိခဲ့လေပြီ ။ဝန်းရံလှည့်ပတ်နေသာ အီလက်ထွန်၏  အရွယ်အစားသည်  အလွန်သေးငယ်၏ ။ ပရိုတွန်၏  အရွယ်အစားနှင့်   နှိုင်းယှဉ်ပါက ( ၁၈၄ဝ)ဆ  ခန့် သေးငယ်နေကြာင်းတွေ့ ရမည်။  ပရိုတွန်နှင့် နယူထွန်တို့ မှာ  အရွယ်အစားတူညီကြသည် ။ထို့ ကြောင့်  အက်တမ်တခု၏ ဒြပ်ထု (Mass ) ကို   ဖေါ်ပြရာတွင်  ပရိုတွန်  နှင့် နယူထွန်တို့ ၏ဒြပ်ထု     ပေါင်းလဒ်ကိုသာ  ဖေါ်ပြသည်။ အီလက်ထွန်သည် အလွန်ငယ်သောကြောင့် လျစ်လျူရှုထား၏။ အက်တမ်ဒြပ်ထု (Mass number)   ကို   သင်္ကေတ-A   ဖြင့်ဖေါ်ပြသည်။   နယူကလိယ  တွင်ရှိသော ပရိုတွန် အရေအတွက်ကိုလိုက်၍  အက်တမ်အမှတ်စဉ် (Atomic number) အဖြစ်  သတ်မှတ်ထား၏။

သင်္ကေတ -Z ဖြင့်ဖေါ်ပြသည်။

                      _zX^A                  ဥပမာ-  ₁H¹ , ₂He⁴ , ₃Li⁷

A =Mass number ( နယူကလိယအတွင်းရှိ (ပရိုတွန်+ နယူထွန်) အရေအတွက်)

Z=atomic number(ပရိုတွန်အရေအတွက် -အက်တမ်အမှတ်စဉ်)

X=ဒြပ်စင်တွင်ပါဝင်သော အက်တမ်အမျိုးအစား

အက်တမ်အမှတ်စဉ်အလိုက် (ဒြပ်စင်ဇယား)

                    သာမာန်အက်တမ်တခုတွင်လျှပ်စစ်ဓာတ်  မရှိပါ။ အဘယ့်ကြောင့်ဆိုသော်-အီလက်ထွန် (ဓာတ်မ)    အရေအတွက်နှင့်  ပရိုတွန် (ဓာတ်ဖို ) အရေအတွက်    တူညီနေသော

ကြောင့် ဖြစ်သည်။ သို့ ဖြစ်ရာ  Atomic number (Z) ကိုသိလျှင်  အီလက်ထွန် အရေတွက်ကိုပါ  သိနိုင်သည်။ ထို့ နောက်အက်တမ်တွင်ပါဝင်သော  နယူထွန်  အရေတွက်ကိုလည်း လွယ်ကူစွာ

သိနိုင်သည်။    

                Mass number (A)   -   Atomic number (Z)  =   Neutron number (n)

                (ပရိုတွန် +နယူထွန်)   -      (ပရိုတွန်)         =       (နယူထွန်)    

              အက်တမ်တခုတွင်  ပရိုတွန်နှင့် အီလက်ထွန် အရေတွက်  တူညီကြသော်လည်း နယူထွန်ပါဝင်မှု အရေတွက်မှာ  မတူညီပေ ။  ပရိုတွန်ထက်လည်း   ပိုများနိုင်သည် ။   နယူထွန်   အရေအတွက်  များလေလေ  အက်တမ်ဒြပ်ထု ကြီးလေလေ ဖြစ်မည်။    နယူထွန် မရှိသော    အက်တမ်လည်းရှိသေးသည်။နယူထွန်မပါသော အက်တမ်မှာဟိုက်ထရိုဂျင်-အက်တမ် ဖြစ်သည် ။   (₁H¹) : (₁H²) : (₁H³)   ထိုသို့   (Atomic number ) ပရိုတွန်အရေအတွက်  တူညီသော်လည်း ၊ နယူထွန်ပါဝင်မှု  မတူညီသောကြောင့်  အက်တမ်ဒြပ်ထု (Mass number) ကွဲပြားနေခြင်းကို   အိုက်ဆိုတုပ် (Isotope)ဟု ခေါ်သည်။

               ပရိုတွန်နှင့်အီလက်ထွန်တို့ သည် ဆန့် ကျင်ဘက် လျှပ်စစ်တန်ဖိုးများ တူညီကြသည်။

ထို့ ပြင်   အက်တမ်တခုတွင်   ပရိုတွန်နှင့် အီလက်ထွန်   ပါဝင်မှုအရေအတွက်    တူညီနေသော

ကြောင့် အသားတင် လျှပ်စစ်ဆွဲအားမှာ မရှိနိုင်ပေ။ထို့ ကြောင့် သာမာန်  အက်တမ်တခုတွင် လျှပ်စစ်ဓာတ်ကင်းမဲ့နေသည် ။လျှပ်စစ်သီအိုရီအရ  မျိုးတူသော     ဓာတ်ဖိုအချင်ချင်း(သို့ )ဓာတ်မ

အချင်းချင်း  တွေ့ လျှင် အပြန်အလှန်  တွန်းကန်မှုအား ဖြစ်ပေါ်မည် ။ မျိုးမတူသော  ဓာတ်ဖိုနှင့်ဓာတ်မ တွေ့ လျှင် အချင်းချင်း ဆွဲငင်ခြင်းအားဖြစ်ပေါ်မည်။
               နယူကလီယကို  စဉ်စားကြည့်ကြပါစို့ ။  နယူကလိယတွင်  ပရိုတွန်နှင့် နယူထွန်များ 

ပါဝင်နေကြောင်းလည်း  သိခဲ့ပြီ ။  ပရိုတွန် နှင့် နယူထွန်များ  စုဝေးလျက်  အက်တမ်၏ ဝတ်ဆံအဖြစ် ရှိနေကြသည် ။  လျှပ်စစ်သီအိုရီအရ  နယူကလိယအတွင်းရှိ  ပရိုတွန်(ဓာတ်ဖို) အချင်းချင်း   တွန်းကန်နေကြမည်။ ထို သို့  တွန်းကန်နေလျင်   အချင်းချင်း စုစည်းမှုမဖြစ်နိုင် ။ သို့ သော် နယူကလိယထဲတွင် စုဝေးနေကြသည် ။ အဘယ့်ကြောင့်ပါနည်း ……??? အဖြေက ရှင်းပါသည် ။ ဓာတ်ဖိုအချင်းချင်း  တွန်းကန်သည့် အားထက်  ပိုကြီးသော      ဆွဲငင်အားကြီးတခု

ကြောင့်   ပရိုတွန်များ   စုဝေး     နေကြခြင်းဖြစ်ပါသည်။  လျှပ်စစ်ဓာတ်-မရှိသော  နယူထွန်များ

လည်းပါဝင်နေကြသည် ။ နယူထွန် အချင်းချင်းလည်း ဆွဲငင်စုဝေးနေကြသည်။ပရိုတွန်(ဓာတ်ဖို)
နှင့် နယူထွန် (ဓာတ်မဲ့)  အချင်းချင်းလဲ  ဆွဲငင်   စုဝေးနေကြသည်။     ထိုသို့ ဖြစ်ပေါ်နေသော
ဆွဲငင်အားကြီးသည်  လျှပ်စစ်ဓာတ်ပေါ်တွင်  မှီခိုမှုမရှိသည်မှာ  သေချာနေပြီ။    နယူကလိယ 
အဖြစ်  တည်ရှိရန်  ပရိုတွန်နှင့် နယူထွန်များကို   စုစည်းပေးသော  အားကို    အနုမြူဆွဲအား  ဟု

(Nuclear force) သတ်မှတ်ရပေမည် ။     အနုမြူဆွဲအား   ဖြစ်ပေါ်နိုင်မည့်  စွမ်းအင်ကို  အနုမြူ

စည်းနှောင်စွမ်းအင် (Nuclear Binding Energy) ခေါ်သည် ။

                  ဥပမာ -ကာဗွန်-အက်တမ်တခုကို  လေ့လာကြည့်ပါမည် ။     ကာဗွန်အက်တမ်တွင်

ပရိုတွန် (၆) လုံး  ပါဝင်သောကြောင့်  အက်တမ်အမှတ်စဉ်အရ   Z=6  ဖြစ်မည်။ ပရိုတွန်  (၆)လုံး  ရှိသောကြောင့်   အီလက်ထွန်လည်း  (၆)  လုံးရှိသည်။   ယခု လေ့လာနေသော  ကာဗွန်

အက်တမ်တွင်  နယူထွန်လည်း (၆)လုံးရှိသည် ။ကာဗွန်အက်တမ်ကို သင်္ကေတဖြင့်ဖေါ်ပြသော် -     

                                                                   

                          ₆C¹²        

 (mass number )    A =12 
(atomic number)   Z = 6    
(neutron number) A-Z =12- 6=6 

              နယူကလိယထဲတွင်   ပရိုတွန် ၆လုံး ၊နယူထွန် ၆လုံး ၊ စုစုပေါင်း ၁၂လုံးပါဝင်သည် ။  

၎င်း ပရိုတွန်နှင့်နယူထွန်များကို  နယူကလီယအတွင်း ရှိနေသောကြောင့်    နမ်စားအမည်တခု

ကို  သတ်မှတ်ရာ  နယူကလီယွန်များ (Nucleons) ဟုအမည်တွင်သည်။   နယူကလီယွန်  ဟု

ဆိုလျှင်  နယူကလီယအတွင်းရှိ   ပရိုတွန် (သို့ ) နယူထွန်တလုံးကို   ကိုယ်စားပြုသည်။  ယခု

ကာဗွန်-နယူကလိယတွင်   နယူကလီယွန် ၁၂ လုံးပါဝင်သည်ဟုဖေါ်ပြနိုင်သည် ။

             လေ့လာနေသော   ကာဗွန်-နယူကလိယ၏   ဒြပ်ထုတန်ဖိုးကို  တိုင်းတာ ကြည့်ပါဦး

မည်။   ပထမနည်း။   ။နယူကလီယွန် ၁၂ လုံးတွင် ၊တလုံးစီ၏ဒြပ်ထုကိုတွက်ချက်ပြီး  အားလုံး

ပေါင်းလဒ်တန်ဖိုးသည်  နယူကလိယတခုလုံ၏  ဒြပ်ထုဖြစ်ပေမည်။(Mass of Nucleus) ။

 နောက်တနည်း  ။      ။နယူကလိယတခုလုံးကို    (တစ်ကြိမ်ထဲ) တိုင်းတာကြည့်လျှင်

လည်း ဒြပ်ထုတန်ဖိုး (Mass of Nucleus)ကို ရမည်။သို့ သော်   တကယ်လက်တွေ့  တိုင်းတာ

ကြည့်သောအခါ နယူကလိယကို  တစ်ကြိမ်တည်းတိုင်း၍ရသော  ဒြပ်ထုသည် ၊နယူကလီယွန်

 (၁၂) လုံးကို  အကြိမ်ကြိမ်ခွဲကာ တိုင်းတာ၍ရသော ဒြပ်ထုထက် သေးငယ်နေကြာင်း တွေ့ ရ

မည်။  (ဤဖြစ်ရပ်ကို     နားမလည်ပါက   ဥပမာ-ဇတ်လမ်းတခုဖြင့်   ရှင်းပြပါဦးမည် ။)

            ((((….ဖီးကျူသည်  ငယ်စဉ်ကလူပျင်းကလေးတယောက်ဖြစ်၏ ။နံနက်စောစောတွင် 

အိပ်ယာထလေ့မရှိ ။ အမေ (သို့ ) အဖေ   လာနိုးမှ   ပျင်းကြောဆွဲပြီး    အိပ်ယာထလေ့ရှိ၏ ။

သို့ သော်  အိပ်ယာမထခင်  “အမေ ….ထမင်းကျက်ပြီလား”ဟု  အမြဲမေးတတ်သည်။  ထိုအခါ

ချစ်စွာသော  အမေက ညက  ကျန်သောထမင်းကို  ကဗျာကယာ  ကြော်ပေးလေ့ရှိသည်။
အငွေ့ တထောင်းထောင်းဖြင့်  အဆင်သင့်ခူးခပ်ပြီးမှ  ဖီးကျူ  အမြဲအိပ်ယာထ၏ ။ တနေ့ တွင်

ထူးထူးခြားခြား  အစောကြီးနိုးနေသည် ။   စောစော  အိပ်ယာထသောနေ့ မှ   ညစာထမင်းက

လက်ကျန်မရှိ ။  ထို့ ကြောင့်   အမေ  နံနက်စာချက်တာကို  စောင့်ရသေးသည် ။ ထမင်းကျက်

သော်လည်း  ဈေးမသွားရသေး ။ထို့ ကြောင့် ဟင်းကမရှိ။တခြားသူတွေလို  လက်ဖက်ရည်နှင့်

မုန့် စားတာကိုလည်း   မတင်းတိမ်။  နံနက်စောစော   ထမင်းစားလိုက်ရမှ   အားရကျေနပ်၏ ။

ထိုအချိန်တွင်အိမ်ရှေ့ မှ   ပဲပြုတ်သည်တယောက် သံကုန်ဟစ်ကျူးလိုက်ရာ  ပဲပြုတ်နှင့်ထမင်း

စားရန်  အကြံရသွား၏။စားတော်ပဲပြုတ်နှင့်ထမင်းဆီဆမ်းစားတာကို  အလွန်ကြိုက်တာကိုးဗျ။

            ဒီလိုနဲ့   အိမ်ရှေ့ ထွက်ပြီး  ပဲပြုတ်သည်ကို  လှမ်းခေါ်လိုက်တယ် ။လာပါဦးပေါ့…ဗျာ။

ဒါနဲ့  စားတော်ပဲပြုတ်   နှစ်ဆယ်သား  ပေးပါဆိုပြီးပြောလိုက်တော့….. ပဲပြုတ်သည်က  ကျွတ်

ကျွတ်အိပ်ထဲထည့်ပီး   ချိန်ခွင်ထဲမှာ  နှစ်ဆယ်သားချိန်ပေးပါတယ် ။ဖီးကျူ  ပဲပြုတ်ဝယ်နေတုံး

ဘေးအိမ်က  ကောင်မလေးတယောက် ကလည်း  လာဝယ်တယ် ။သူမက  ပဲပြုတ်  တစ်ဆယ်

သား  ပေးပါဆိုပြီးဝယ်တယ် ။ ဖီးကျူလား   ပြန်အမ်းငွေ မရသေးလို့  စောင့်နေတာပါ ။ကောင်

မလေးကို ငမ်းချင်လို့ မဟုတ်ပါဘူး ။ ကောင်မလေးက  ပဲပြုတ်တဆယ်သား ဝယ်တယ်။ လက်

တဖက်က  ကိုင်ထားတယ် ။ပြီးတော့   နောက်ထပ် တစ်ဆယ်သားပေးပါတဲ့။သြော်…ဈေးသည်

ကို   အလုပ်ရှုတ်အောင် လုပ်တဲ့.... သူကလေးပါလား   လို့  ထင်လိုက်မိပါတယ်။ ပဲပြုတ်သည် 
ထွက်သွားတော့ ဖီးကျူ…..လျှာရှည်ပြီး  ကောင်မလေးကို မေးကြည့်တယ်။ ဘာဖြစ်လို့  ပဲပြုတ်

ကို  နှစ်ဆယ်သား (တစ်ခါထဲ )မဝယ်ဘဲ။တစ်ဆယ်သား၊ နှစ်ကြိမ်ခွဲဝယ်တာလဲလို့ မေးတယ်။

            ကိုဖီးကျူ  ဘာသိလို့ တုံး  တစ်ဆယ်သား  နှစ်ခါဝယ်တော့  ပိုရတယ်။ နှစ်ဆယ်သား

ဝယ်ထားတဲ့ဟာနဲ့   ယှဉ်ကြည့်ပါလားတဲ့……။ဟိုက်…. ..တယ်တော်တဲ့   ကောင်မလေးပါလား

အဲဒါကြောင့် မိန်ကလေးတွေ  ဈေးဝယ်တတ်တယ်လို့ ပြောတာပေါ့ ။      ဟုတ်တယ်…သူမရဲ့

ပဲပြုတ် နှစ်ထုပ်က   ၊ဖီးကျုရဲ့ပဲပြုတ်   တစ်ထုပ်ထက်  ပိုကြီးတယ် ။ပိုရတယ် ။ နှစ်ဆယ်သား

ဝယ်တာချင်းတူတူ  သူမကျတော့  ပိုရတယ် ။အဲတာ……….ဘာကြောင့်လဲ ဆိုတော့  အဖြေက

ရှင်းပါတယ်…။ပဲပြုတ်သည်….အလေးခိုး လို့ ပေါ့ဗျာ ။…..)))

                 ကဲ…….လေ့လာနေတဲ့  ကာဗွန်နယူကလိယကို  ကြည့်ကြဦးစို့ ။ နယူကလိယကို

တကြိမ်တည်း  ချိန်ကြည့်တော့  ဒြပ်ထုကနည်းနေတယ်။  နယူကလီယွန်   တစ်လုံးစီကို ချိန်ပြီး  
အားလုံးပေါင်းကြည့်တော့ ဒြပ်ထုက   များနေတယ် ။    နယူကလိယ   တခုထည်းတွင် ဒြပ်ထု

တန်ဖိုးခြားနား (မတူညီ)နေတာကိုတွေ့ရတယ် ။

ဒါဆို… ……….ဘယ်သူက……………… အလေးခိုးလိုက်တာလဲ………………………….…….???

(ဖီးကျူ ပဲပြုတ်နှစ်ဆယ်သား ဝယ်တုံးက ပဲပြုတ်သည်က အလေးခိုးသွားတယ်… ဗျ )။ 

မတူညီတဲ့  ဒြပ်ထုခြားနားခြင်းကိ်ု ဒီလိုရေးပြမယ်ဗျာ…………………….။

 ကွာဟနေသော    =  [ ပရိုတွန်အားလုံး၏ +နယူထွန်အားလုံး၏ ] – နယူကလိယတခုလုံး၏

       ဒြပ်ထု                        ဒြပ်ထု                   ဒြပ်ထု                          ဒြပ်ထု

     ∆M        =     ∑ (M_p       +     M_n )        -  M_nucleus

(Mass Difference )         (sum of mass of nucleons)             (Mass of nucleus)

         နယူကလိယ၏ဒြပ်ထုသည်  နယူကလီယွန်များ ဒြပ်ထုအားလုံးပေါင်းထက် လျော့နည်း

နေတာကို  တွေရသည်။  အဲသလို……လျော့နည်သွားတာ  ဘယ်သူကမှလာပြီး အလေးမခိုးပါ

ဘူးတဲ့ဗျာ ။  နယူကလီယွန်အားလုံး (ပရိုတွန်နှင့်နယူထွန်များ)ကို   နယူကလိယအဖြစ်  စုဝေး

နေနိုင်ဖို့   စည်းနှောင်ထားတဲ့စွမ်းအင်တခုရှိပါတယ် ။အဲဒီ  စည်းနှောင်စွမ်းအင်ဟာ လျော့နည်း

သွားတဲ့  ဒြပ်ထုကနေ  အသွင်ပြောင်းလာခြင်း   ဖြစ်ပါတယ် ။   ဒြပ်ထုကနေ     စွမ်းအင်အဖြစ် 
အသွင်ပြောင်းလာခြင်းဆိုတာ   အိုင်စတိုင်းရဲ့    သီအိုရီတခုပါ ။ (mass-energy  relation)

                                     E=mc²

                                     E=စွမ်းအင်

                                             M=ဒြပ်ထု

                                            C² =ကိန်းသေတန်ဖိုး(3*10⁸)²

               နယူကလိယတခု၏ စည်းနှောင်စွမ်းအင်ပမာဏကို  သိလိုပါက….လျော့နည်းသွား

သည့်   ဒြပ်ထုကို   အိုင်စတိုင်း၏သီအိုရီ  ညီမျှခြင်းမှာ ထည့်ပြီး   တွက်နိုင်ပါသည်။  ဒီလိုဗျ-

                                E=∆M C²

              ကဲဒီတော့… နယူကလိယတခု၏    စည်းနှောင်စွမ်းအင်ကို     တွက်ယူလို့ ရပါပြီ။    

ပရိုတွန်နှင့်  နယူထွန်များလေလေ     စည်းနှောင်စွမ်းအင်လည်း    များလေလေ ဖြစ်ပါတယ် ။

ဒီနေရာမှာ  ပရိုတွန်အရေအတွက်  အက်တမ်  အမျိုးစားအလိုက်  ပါဝင်နေပေမယ့် ၊  နယူထွန်

အရေအတွက်ကတော့  များချင်လည်း      များနေတတ်ပါတယ် ။  နယူထွန်     ပိုများလေလေ

စည်းနှောင်စွမ်းအင်ကြီးမားလေလေပါပဲ ။    စည်းနှောင်စွမ်းအင်ကြီးမားတဲ့    အက်တမ်များမှာ

ယူရေနီယံ (₉₂U^{238   :}U²³⁵ :U²³³)  ၊ ပလူတိုနီယံ (₉₄ Pu²³⁹ :Pu²⁴²:Pu²⁴⁴)….စသည်တို့ 

ဖြစ်ပါတယ် ။

အက်တမ်တလုံး၏ဖြတ်ပိုင်းပုံ

                ပရိုတွန်နှင့် နယူထွန်များလေလေ   နယူကလိယ၏   စည်းနှောင်စွမ်းအင်ပမာဏ

ကြီးမားလေလေ  ဖြစ်ပါတယ်။ ………နောက်တမျိုး ……..စဉ်းစားကြည့်ရအောင်ဗျာ…………….

အဲဒီလို   စည်းနှောင်စွမ်းအင်ကြီးမားတဲ့  နယူကလိယတခုကို  တစစီပြိုကွဲသွားအောင် ခွဲထုတ်

လိုက်ရင်   စည်းနှောင်စွမ်းအင်ကြီးဟာ  အပြင်ကိုထွက်လာပါလိမ့်မယ်။   ( အပူစွမ်းအင်အဖြစ်

သော်လည်းကောင်း ၊ ရေဒီယိုသတ္တိရောင်ခြည်များ အဖြစ်သော်လည်းကောင်း ထွက်လာပါလိမ့်

မည်။)အိုင်စတိုင်း သီအိုရီဖြင့်    တွက်ယူထားသော   စည်းနှောင်စွမ်းအင်သည်   နယူကလိယ 
ပြိုကွဲသွားခဲ့လျှင်ထွက်လာမည့် စွမ်းအင်များဖြစ်ပါသည် ။ထိုကဲ့သို့ ထွက်လာသော  စွမ်းအင်ကို 

အနုမြူ-စွမ်းအင်လို့   ခေါ်ပါတယ်။

အိုင်စတိုင်း၏      ဒြပ်ထု-စွမ်းအင်   ညီမျှခြင်း ((mass-energy  relation))     E=mc²     ဖြင့်  
အနုမြူစွမ်းအင်ကို တွက်ထုတ်ယူနိုင်သောကြောင့် အနုမြူဖခင်ကြီးဟု တကမ္ဘာလုံးက  ခေါ်ဝေါ်

နေကြခြင်းဖြစ်ပါသည် ။

……………………………………………………………………………………………………………………

                    ဤတင်ပြချက်များသည်    အနုမြူစွမ်းအင်၏  အခြေခံ သဘောတရားများဖြစ်

ပါသည်။ အနုမြူစွမ်းအင်များ  ရရှိရန်ကား    နည်းပညာများ   တတ်မြောက်ထားရန်  လိုအပ်ပါ

သည် ။ မရှင်းလင်းသော  ၊မှားယွင်းသော   အချက်လက်များရှိပါက  ဖီးကျူထံသို့   ဆက်သွယ်

ကူညီပေးပါ…..ခင်ဗျား ။

                

ရူပဗေဒနိဒါန်း

              ရူပဗေဒ၏ အဓိပ္ပါယ်ကို မြန်မာလို တိုက်ရိုက်ဖွင့်ဆိုပါက (ရူပ=ရုပ်ဝထ္ထု၊ ဗေဒ=ခွဲခြမ်း စိတ်ဖြာသောပညာ) ရုပ်ဝထ္ထုများကိုခွဲခြမ်းစိတ်ဖြာ၍ လေ့လာသော ပညာရပ်ဟု ဆိုလိုပါသည်။ ရှေးယခင်က “သဘာဝဝထ္ထပညာ” ဟုခေါ်ဆိုခဲ့ကြသည်။တနည်းအားဖြင့် သဘာဝသိပ္ပံပညာ ဖြစ်သည်။အင်္ဂလိပ်ဘာသာဖြင့် PHYSICS ဝေါဟာရသည် ဂရိဘာသာစကားမှ ဆင်းသက်လာ ပြီး (Nature)သဘာဝ ဟုအဓိပ္ပါယ်ရသည်။ ရှေးယခင်က Natural Philosophy ဟုခေါ်ဝေါ် ခဲ့ကြရာမှ PHYSICS ဟူသော ဝေါဟာရ ပေါ်ပေါက်ခဲ့ရခြင်းဖြစ်သည် ။ထို့ ကြောင့် ရူပဗေဒ (physics )သည်

အတွေးခေါ်ပညာ(Philosophy)မှ ခွဲထွက်လာသော သဘာဝအတွေးခေါ် ပညာရပ်တခု ဖြစ်သည်။

                                                     (Thales) သားလိစ်[BC 624—526]

                 အတွေးခေါ် ပညာဆိုသည်မှာ အဘယ်နည်း ??? အတွေးခေါ်ပညာဆိုသည်မှာ လူနှင့် လူ့ 
ပတ်ဝန်းကျင်တွင်ပန်းတိုင်တခုကိုရောက်ဖို့ နည်းလမ်း အဖြေရှာရန် စဉ်းစား  တွေးခေါ်သည့်  ပညာရပ်
ဖြစ်သည်။    သိပ္ပံပညာရပ်အားလုံးသည်     သစ်ပင်များဖြစ်ခဲ့လျှင်          အတွေးခေါ်ပညာရပ်သည်
သစ်ပင်များကိုရှင်သန်စေသော မြေဆီလွှာတခုဖြစ်သည်ဟု အတွေးခေါ်ပညာရှင် ဝီလီယံသောမတ်  က

ပြောသည်။
            အနောက်တိုင်းရာဇဝင်တွင် အတွေးခေါ်ပညာကို ဂရိလူမျိုးများက စတင်ခဲ့ကြောင်းတွေ့  ရှိရသည်။ မှတ်တမ်းများအရ အစောဆုံးဂရိအတွေခေါ်ပညာရှင်များသည် အာရှမိုင်းနားဒေသ ၊ မိုင်လီတပ်(Miletus) မြို့သားများ( ယခု-တူရကီနိုင်ငံ)ဖြစ်သည်။ ပထမဆုံး တွေးခေါ်ပညာရှင် မှာ မိုင်လီတပ်မြို့ မှ (Thales) သားလိစ်[BC 624—526] ဖြစ်သည်။သူသည် သဘာဝသံလိုက် ကျောက်ကို စတင်တွေ့ ရှိပြီး ၊ လျှပ်စစ်သိပ္ပံပညာကို ကနဦး ရှာဖွေစူးစမ်းခဲ့သူဖြစ်သည်။သူ သည် ရူပဗေဒပညာရပ်ကို စတင်ခဲ့သော အတွေးခေါ်ပညာရှုင်တယောက်ဟု ဆိုရပေမည် ။ အနောက်တိုင်းသားတို့ သည် ကမ္ဘာလောကကြီးတခုလုံး စတင်ဖြစ်ပေါ်လာရသော ထာဝရ အခြေခံတရားကိုဖေါ်ထုတ်ခဲ့ရာတွင် (Thales) သားလိစ်က ရေ (Water)သည် မူလအခြေခံ ဟုဆိုသည် ။ အရစ်တိုတယ် (Aristotle) (BC 384 -322) ကလည်း ကမ္ဘာလောကကြီးကို လေ(Air)ဖြင့် အခြေခံ၍ ဖွဲ့ စည်းထားသည်ဟုဆိုသည် ။ ဗုဒ္ဓမြတ်စွာဘုရားရှင်က အရာရာ အားလုံးကို ပထဝီ (Earth) ၊တေဇော (Fire) ၊ အာဘော (Air)၊ ဝါယော(Water)…ဓာတ်ကြီး လေးပါးဖြင့်ဖွဲ့ စည်းထားသည်ဟု ဟောကြားတော်မူခဲ့သည် ။

(မှတ်ချက်။ ။အနောက်တိုင်း ပညာရှင်များက ဗုဒ္ဓမြတ်စွာဘုရားကို အတွေးခေါ် ပညာရှင်တယောက်ဟု သတ်မှတ်ခဲ့ကြ သည်။ သို့ သော် အနောက်တိုင်းသား ဂရိလူမျိုးများ စမ်းတဝါးဝါးဖြင့် တွေးခေါ်နေချိန်၌ ဗုဒ္ဓမြတ်စွာဘုရားရှင်သည် (BC 566 -486 )တွင် အလုံးစုံသိမြင်အပ်သော သဗ္ဗညုတဥာဏ် တော်ဖြင့် ဘုရားအဖြစ်သို့  ပွင့်တော်မူနေပြီဖြစ်သည်။)

                                                     အရစ်တိုတယ် (Aristotle) (BC 384 -322)

                 ရူပဗေဒ၏ အဓိပ္ပါယ်ကိုနောက်တမျိုး ဖွင့်ဆိုရသော် ကျွန်တော်တို့  ပတ်ဝန်းကျင်ရှိ အရာအားလုံးသည် ရူပဗေဒ ဖြစ်သည်။မော်တော်ကား ၊ မီးသီး ၊ဖုန်း ၊ရေဒီယို ၊ကွန်ပျူတာ ၊စီဒီ ………….စသည့်အရာအားလုံးသည် ရူပဗေဒဖြစ်သည် ။ဂြိုလ်တုများ ၊ဒုံးပျံများ လွတ်တင်ခြင်း ၊ဂျက်လေယာဉ်များ ပျံသန်းခြင်းသည်လည်း ရူပဗေဒ ဖြစ်သည်။ထို့ ပြင် ညအခါ...လသာသာ ၊ငွေစင်ကြယ်လေးများ မှိတ်တုတ်မိတ်တုတ် မြင်ရသည်မှာလည်း ရူပဗေဒ ဖြစ်သည်။ တလောကလုံးကို အလင်းရောင်ပေးနေသော နေလုံးကြီးလည်း ရူပဗေဒ ဖြစ်သည်။စကြဝဠာ ၊ဂလက်ဆီ ၊နေအဖွဲ့ အစည်းတို့  လှည့်ပတ် ဆွဲငင်နေခြင်းသည်လည်း ရူပဗေဒ ဖြစ်သည်။ မျက်စိဖြင့်မမြင်နိုင်သော အသေးငယ်ဆုံးအမှုန်မှစ၍ စကြာဝဠာတခုလုံးအား စူးစမ်းလေ့လာ သင်ယူခြင်းသည် ရူပဗေဒ ဖြစ်သည်။ ရူပဗေဒသည် သိပ္ပံပညာရပ်အားလုံးနှင့် ဆက်နွယ် ပတ်သက်နေသော သိပ္ပံပညာဖြစ်သည်။ ရူပဗေဒပညာရှင်များသည် ဓာတုဗေဒ ၊ဇီဝဗေဒ ၊ နက္ခတ္တဗေဒ ၊ဘူမိဗေဒ ၊အင်ဂျင်နီယာ၊ဆေးဝါးကုသခြင်း စသည့်ပညာရပ်များ တိုးတက် ကောင်းမွန်အောင် ပြုလုပ်ခဲ့ကြသည်။ထို့ ပြင် ရူပဗေဒသည် ခေတ်သစ်နည်းပညာအားလုံး၏ အခြေခံအုတ်မြစ် လည်းဖြစ်သည် ။ ရူပဗေဒ ဘာသာရပ်သည် လက်တွေ့  စမ်းသပ်ခြင်း ၊ စူးစမ်းလေ့လာခြင်း ၊သီအို၇ီများ ၊အဆိုပြုချက်များ ၊တွေးတောကြံဆမှုများကို ပြုလုပ်ရသည်။ ရူပဗေဒ၏ အရေးကြီးဆုံးလက်နက် ကိရိယာသည် သင်္ချာအတတ်ပညာပင်ဖြစ်သည်။သိပ္ပံ ပညာရှင် ဂယ်လီလီယို (Galileo Galilei- AC1564-1642)က အဆိုပြုသည်မှာ သင်္ချာသည် ရူပဗေဒ၏ အဓိပ္ပါယ်များကို ဖေါ်ပြပေးစွမ်းနိုင်သော ဘာသာစကား(Language)တခုဖြစ်သည်။
(ဥပမာ - C Program , Fortran ,Java စသည့်ပရိုဂရမ်များသည် ကွန်ပျူတာ၏(Language) ဘာသာစကားဖြစ်သည်)

                                                  ဂယ်လီလီယို (Galileo Galilei- AC1564-1642)

                ထို့ ပြင်ရူပဗေဒဆိုင်ရာ ဂုဏ်သတ္တိများ ၊သီအိုရီများအားလုံးကို သင်္ချာနည်းဖြင့်ဖေါ်ပြနိုင်ရမည်။

ထို့ ကဲ့သို့  သင်္ချာနည်းဖြင့် ဖေါ်ပြနိုင်မှသာ ရူပဗေဒစစ်စစ်ဖြစ်သည်ဟု အဲလ်ဘတ်အိုင်စတိုင်း က အဆိုပြုခဲ့ဘူးသည်။ ဥပမာ - အိုင်စတိုင်းသီအိုရီအရ အရာဝထ္ထုတခုသည် အလင်းလျင် မြန်နှုန်း၏ နှစ်ထပ်ကိန်းတန်ဖိုးဖြင့် ရွှေ့ လျားနေခဲ့သော် ၄င်းအရာဝထ္ထုမှ စွမ်းအင်အဖြစ်သို့  ရရှိမည် ။သင်္ချာဆိုင်ရာ ညီမျှခြင်းဖြင့် ဖေါ်ပြပါက ( E=mc²) ဖြစ်သည်။ ရူပဗေဒကို တနည်းဖွင့်ဆိုရသော် ဒြပ်ထု ၊စွမ်းအင် ၊အာကာသ ၊အချိန် တို့ ကိုတွက်ချက် ဖေါ်ထုတ်သော သိပ္ပံပညာရပ်ဖြစ်သည် ။ထို့ ပြင် ဒြပ်ထုများအတွင်း သက်ရောက်နေသော သံလိုက်ဆွဲအား ၊ဖိုမလျှပ်စစ်အား ၊အနုမြူဆွဲအား ၊ကမ္ဘာမြေဆွဲအား စသည့်အခြေခံအားများ ကိုလည်း တွက်ချက်ဖေါ်ထုတ်ခြင်းဖြစ်သည် ။ယေဘူယျအားဖြင့် သရုပ်ခွဲလေ့လာကြည့်လျင် ရူပဗေဒနယ်ပယ်အသီးသီးကို ပိုင်းခြားတွေ့မြင်ရမည်။

                                                    အိုင်စတိုင်း (1879-1955)

                          ရှေးရိုးမက္ကင်းနစ်(Classical Mechanics) ၊ကွမ်တမ်မက္ကင်းနစ် (Quantum Mechanics) သံလိုက်(Magnetism) ၊ အပူစွမ်းအင် (Thermodynamics) ၊ လျှပ်စစ် (Electricity ) ၊ ၊ အလင်း(Optics) ၊အသံ (Sound) ၊ နှိုင်းရသီအိုရီ (Relativity) ၊အက်တမ်ရူပဗေဒ(Atomic Physics) ၊အနုမြူရူပဗေဒ(Nuclear Physics)၊အမှုန်ရူပဗေဒ(Particle Physics-high energy) ဒြပ်ထုဖွဲ့ စည်းခြင်းဆိုင်ရာရူပဗေဒ (Condensed Matter Physics) ၊လေဆာ(Laser Physics)၊ ရူပနက္ခတ္တဗေဒ (Astrophysics) ၊စသည့် နယ်ပယ်အသီးသီးကို လေ့လာသင်ယူခြင်းသည် ရူပဗေဒပညာရပ်များပင်ဖြစ်သည် ။              

                           ရူပဗေဒသည် ခေတ်ကြီး(၂)ခုဖြင့် ပိုင်းခြားသတ်မှတ်ခြင်းကိုတွေ့ ရမည်။ ပထမ ခေတ်သည် ရှေးရိုးရူပဗေဒ(Classical Physics)ဟုအမည်တွင်သည် ။ပထမခေတ်၏ အရှင်သခင်သည် အင်္ဂလန်မှ နယူတန် (Sir Isaac Newton:AC 1643-1727)ဖြစ်သည် ။ မော်တော်ကား ဒီဇိုင်းပုံစံထုတ်ခြင်း ၊ လေယာဉ်ပျံ၊ဂြိုလ်တု၊ စက်ရုံအလုပ်ရုံ ၊ လမ်းတံတား ဆောက်လုပ်ခြင်း..……စသည့်နေရာများတွင် နယူတန်၏သီအိုရီများကို အသုံးပြုကြရသည်။ သူ၏အလွန်နာမည်ကြီးသော ရှေးရိုးမက္ကင်းနစ် (Classical Mechanics) သီအိုရီ(၃)ခုမှာ ယနေ့ ချိန်ထိ အသုံးဝင်လျက်ရှိသည်။

                                             နယူတန် (Sir Isaac Newton:AC 1643-1727)

(၁)ပထမသီအိုရီမှာ မျဉ်းဖြောင့်အတိုင်းရွေ့ လျားနေသာ အရာဝထ္ထုသည် ပြင်ပအား သက်ရောက်မှု(ပွတ်တိုက်မှု)မရှိပါက တသမှတ်အရှိန်ဖြင့် ဆက်လက်ရွေ့ လျားနေမည်ဖြစ် သည်။ထို့ အတူ ရပ်တန့် နေသော အရာဝထ္ထုတခုသည် ပြင်ပအားစိုက်ထုတ်မှုမရှိပါက မူလအတိုင်း ရပ်တန့် နေမည်ဖြစ်သည်။

(၂)ရွေ့ လျားနေသော ဝထ္ထုတခု၏ အားသည်    ၄င်းဝထ္ထု၏ ဒြပ်ထုနှင့်   ရွေ့ လျားနေသောအရှိန်တို့ ၏မြှောက်လဒ်    ဖြစ်သည် ။        (   F =ma  )

(3)ပထမဝထ္ထုတခုသည် ဒုတိယဝထ္ထုပေါ်သို့  အားသက်ရောက်ခဲ့လျင် ၊ဒုတိယဝထ္ထု ကလည်း ဆန့် ကျင်ဘက်အားဖြင့် တန်ပြန်အားသက်ရောက်မည်ဖြစ်သည်။

                   အရာဝထ္ထုများ သာမာန်ရွေ့ လျားမှုကို နယူတန်၏သီအိုရီများဖြင့် ဖြေရှင်းနိုင်သော်လည်း အလင်းအလျင်နီးပါး ရွေ့ လျားနိုင်သော ဝထ္ထုများကို နယူတန်သီအိုရီဖြင့် မရှင်းလင်းနိုင်ချေ။ ထိုကြောင့် ရူပဗေဒ၏ ဒုတိယခေတ်သို့  ပြောင်းလဲရန့် ကြိုးစားလာကြသည်။ကနဦး ခေါင်းဆောင် ပြောင်းလဲလိုက်သူမှာ အိုင်စတိုင်း ဖြစ်သည်။အိုင်စတိုင်း၏ နှိုင်းရသီအိုရီသည် အလင်းအလျင်ဖြင့် ရွေ့ လျားသောဝထ္ထုများကို ဖြေရှင်းတွက်ချက်နိုင်သည်။
 ထို့ ပြင် သာမာန်မျက်စိဖြင့်မမြင်နိုင်သော(အလွန်ဝေးကွာသည့် )စကြာဝဠာအတွင်းရှိ   ဂြိုလ်များ၊ ဂလက်ဆီများ၊၏ 

လှည့်ပတ်သွားလာပုံနှင့်  ဖွဲ့ စည်းပုံများကို     နှိုင်းရသီအိုရီဖြင့်ဖြေရှင်းတွက်ချက်နိုင်သည်။

             ထို့ နောက် ကွမ်တမ်မက္ကင်းနစ် (Quantum Mechanics) ကို ဂျာမနီနိုင်ငံသား မက်ပလန့် (Max Plank) (AC -1854-1947 ) က ကွမ်တမ်သီအိုရီဖြင့် စတင်လိုက်လေသည် ။၎င်း၏သီအိုရီကိုအခြေ ခံလျက် ကွမ်တမ်မက္ကင်းနစ်ကို ဦးဆောင်တည်ထောင်ခဲ့ကြသူများမှာ အိုင်စတိုင်း(ဂျာမဏီ) ရှဒိုဒင်းဂါး( ဂျာမဏီ) (Alexander Schrödinger 1887-1961) ၊ဟိုင်ဆင်ဘတ်(ဂျာမဏီ) (Heisenberg 1901-1976 ) ၊ ပေါ်လီ(သြစတီးယား) (Pauli 1900-1958) ၊နီဘိုးလ် (Niels Bohrs ဒိန်းမတ် 1885-1962 ) စသည်တို့ ဖြစ်သည် ။

                                                 ပလန့် (Max Plank) (AC -1854-1947 )

              ၄င်းတို့  ကမကထပြု၍ ဖော်ထုတ်ခဲ့ကြ သော ကွမ်တမ်မက္ကင်းနစ်သည် ရူပဗေဒ၏ဒုတိယခေတ်

ဖြစ်လာသည်  ။  ကွမ်တမ်ရူပဗေဒ၏   အောင်မြင်မှုသည်   နှစ်ဆယ်ရာစုတွင်စတင်ကာ တလောကလုံး၏

သိပ္ပံပညာကို   တဟုန်ထိုး ပြောင်းလဲတိုးတက်နိုင်ခဲ့သည်။ ယနေ့ ထိတိုင်      နည်းပညာအသစ်များကို

မွေးထုတ်ပေးနေသည်မှာ    ကွမ်တမ်ရူဗေဒ၏    အကျိုးကျေးဇူးများ ဖြစ်သည်။  

                  သို့ သော်   ခေတ်သစ်ရူပဗေဒ      (Modern Physics)      ပေါ်ထွက်လာသောကြာင့်

ရှေးရိုးရူပဗေဒ၏ (Classical  Physics) အခန်းကဏ္ဍ မှေးမှိန်သွားပြီလော ??? ………………….............

( “ရှေးထုံးကိုလည်း   မပယ်နဲ့  ၊ ဈေးသုံးကိုလည်း မကြွယ်နဲ့ တဲ့ “)  ရှေးရိုးရူပဗေဒကို  လုံးဝပြစ်ပယ်ထား၍
မရပါ ။ ရှေးရိုးရူပဗေဒ၏  သြဇာသက်ရောက်မှုကြောင့် ခေတ်သစ်ရူပဗေဒ ပေါ်ပေါက်လာရခြင်းဖြစ်သည်။ 

၎င်းတို့ ၏  ကွဲပြားခြားနားပုံကို  ဆက်လက်ရေးသားပါဦးမည်။ 
               သာမာန်မျက်စိဖြင့်  မြင်နိုင်သော  အရာဝထ္ထု (အမှုန်)များကို   တွက်ချက်   ဖေါ်ထုတ်ရာတွင်  

ရှေးရိုးရူပဗေဒကို  အသုံးပြုရသည်။သာမာန်မျက်စိဖြင့် မြင်နိုင်သော အမှုန်တခု၏  အသေးငယ်ဆုံးအရွယ်

အစားမှာ(  0.05 mm  ) တစ်မီလီမီတာ၏ အပုံနှစ်ဆယ်ပုံ ၊ တစ်ပုံဖြစ်သည် ။တနည်းအားဖြင့်   မက်ခရို
စကောပစ်-စကေး (Macroscopic Scale) တွင် ရှေးရိုးရူပဗေဒကိုအသုံးပြုရသည်။မက်ခရိုစကောပစ်-စကေး ဆိုသည်မှာ  တစ်မီလီမီတာ ထက်ကြီးသောအရွယ်အစားရှိသည့်  ဝထ္ထုပစ္စည်းများကို  ဆိုလိုခြင်းဖြစ်သည်။

         သာမာန်မျက်စိဖြင့်   မမြင်နိုင်သော  အမှုန်များကို တွက်ချက်ေါ်ထုတ်ရာတွင် ခေတ်သစ်ရူပဗေဒကို 

အသုံးပြုရသည်။ဥပမာ -မော်လီကျူး ၊    အက်တမ်၊   နူကယိယ ၊အီလက်ထွန်  စသည့်အမှုန်များဖြစ်သည်။

တနည်းအားဖြင့်  မိုက်ခရိုစကောပစ်-စကေး (Microscopc Scale) တွင်   ခေတ်သစ်ရူပဗေဒကို အသုံးပြုရ

သည် ။  မိုက်ခရိုစကောပစ်-စကေးဆိုသည်မှာ တစ်မီတာ၏ တစ်သန်းပုံ ၊    တစ်ပုံ ထက်ငယ်သော အမှုန်

များကို ဆိုလိုခြင်းဖြစ်သည်။            

            ရှေးရိုးရူပဗေဒနှင့်ခေတ်သစ်ရူပဗေဒ တို့ သည် အခန်းကဏ္ဍအလိုက် အရေးပါသော သိပ္ပံပညာရပ်များ

ဖြစ်သောကြောင့်   ရူပဗေဒလေ့လာလိုက်စားသူများက   သင်ယူတတ်မြောက်ရန်ကြိုးစားနေကြခြင်း  ဖြစ်ပါသည်။   

စာကြွင်း ။ ။စာအုပ်ပေါင်းများစွာကိုဖတ်ရှုပြီး ကိုယ်ပိုင်အာဘော်ဖြင့် ရေးသားစီရင်သော ကြောင့် အမှားအယွင်းရှိပါက ဖီးကျူ ၏တာဝန်သာဖြစ်ပါသည်။အကယ်၍ အမှားတစုံတရာ တွေ့ ရှိပါက အထောက်ထားစုံလင်စွာဖြင့် ပြုပြင်ဆုံးမပေးပါရန် ပန်ကြားအပ်ပါသည်။.....................................ဖီးကျူ

                 

အမှာစာ

   “ဖီးကျူ” ဘလော့စာမျက်နှာသို့  ရောက်ရှိလာသော ပရိတ်သတ်များအား ကိုယ်စိတ်နှစ်ဖြာချမ်းသာကြပါစေ လို့  ဆုတောင်းမေတ္တာပို့ သပါတယ် ။ ဒီဇင်ဘာ (၃)ရက် ၂၀၀၉ ]နေ့ မှာ စတင်ဖန်တီးခဲ့တာပါ။ ဒီဇိုင်းအပြင်အဆင်ကို စမ်းတဝါးဝါးလုပ်နေယင်း ၊ အချိန်မအားလပ်တာကြောင့် ပို့ စ် နှစ်ပုဒ်ထဲနဲ့  စတင် ရေးသားခဲ့ပီး ကြန့် ကြာသွားခဲ့ တာပါ ။ မြန်မာဘလော့ဂါတွေ အားလုံးဟာ မိမိဝါသနာအလျောက် ကျွမ်းကျင်ရာ နယ်ပယ်တွေမှာ ရေးသားကြတာကို ဖတ်ရူလေ့လာယင်း ကျွန်တော်လည်း ဘလော့ရေးချင်စိတ် ဖြစ်ပေါ်လာရတယ်။ ရသစာပေ ၊ဝထ္ထု ၊ကဗျာတွေ ရေးတာကို ဝါသနာပါ ပေမယ့် (၂ဝဝဝ-၂ဝဝ၉) - (၉)နှစ်အတွင်းမှာ ဝထ္ထုတို သုံးပုဒ်ဘဲ တက္ကသိုလ်နှစ်လည်မဂ္ဂဇင်းတွေမှာ ရေးဖြစ်ခဲ့ တာပါ ။ အခြားမဂ္ဂဇင်းတွေမှာလဲ မရေးသားခဲ့ပါဘူး ။ ဒီတော့ ကျွန်တော်ဟာ စာရေးဆရာတယောက်ပါလို့  ပြောရမှာ မဝံ့မရဲဖြစ်နေပါတယ် ။ တခြား ဘလော့တွေက ကောင်းနိုးရာရာတွေကို ကူးယူဖေါ်ပြဖို့ လဲ စိတ်ထဲက လိပ်ပြာမသန့်  ဖြစ်နေရပြန်တယ်။ ဒီတော့

ပင်ကိုယ်ရေး စာမူတွေ အဆက်မပြတ် ရေးသားနိုင်ဖို့  ကြံဆပါတယ်။ တက္ကသိုလ်နယ်မြေမှာ (၆)နှစ်ကြာ ပညာသင်ကြားခဲ့ဖူးတဲ့ ရူပဗေဒ ဘာသာရပ်ကို အဓိကထားပီး ရေးသားဖို့ စိတ်ကူးမိပါတော့တယ် ။ (ရသစာပေကိုတော့ စိတ်လိုလက်ရ ရှိတဲ့အချိန်မှာ ရေးသားဖြစ်မယ်ထင်ပါတယ်)။ ရူပဗေဒ နည်းပညာကို ရေးသားတဲ့  အခါမှာ စာဖတ်ပရိတ်သတ် အနေနဲ့  အုပ်စုနှစ်ပိုင်း ကွဲပြားနေတာကို စဉ်းစားမိပါတယ် ။ 

(၁)ပထမအုပ်စုက ရူပဗေဒကို အစိမ်းသက်သက်ဖြစ်နေတဲ့ ပရိတ်သတ်ပါ။ နည်းပညာတွေ တနင့်တပိုး ရေးသားလိုက်ရင် အကျွမ်းတဝင်မရှိတဲ့ ပရိတ်သတ်အတွက် စိတ်ဝင်စားစွာ ဖတ်ဖို့  မဖြစ်နိုင်ပါဘူး။ ရူပဗေဒနဲ့  အလှမ်းဝေးနေသူတွေကို ပိုးပီးဝေးကွာသွားအောင် ရေးသားဖို့ သတ္တိမရှိပါဘူး ။ ဒီတော့ အခြေခံသမိုင်းကြောင်းကစပီး ရေးသားဖို့ ဖြစ်လာပါတယ်။

 (၂)ဒုတိယအုပ်စုက ရူပဗေဒကို လေ့လာသင်ယူနေသူ ၊ စိတ်ဝင်စားစွာ ရှာဖွေနေတဲ့ ပရိတ်သတ်ပါ။ရူပဗေဒနည်းပညာတွေ မပါဘဲ ( အပေါ်ယံရှပ်ပီး ) ရေးသားခဲ့ရင် လေ့လာရှာဖွေနေတဲ့ ပရိတ်သတ်အတွက် အကျိုးမများနိုင်ပါဘူး ။(ဆားမပါတဲ့ ဟင်းတခွက်လို ပေါ့ပျက်ပျက် ဖြစ်နေပါလိမ့်မယ်) ။ဒီတော့ နည်းပညာရှင်းလင်းချက်၊ ဖေါ်မြူလာ၊ သီအိုရီ ၊သရုပ်ဖေါ်ပုံတွေ ထည့်သွင်း ရေးသားရပါတယ်။ ကျွန်တော်သင်ခဲ့ဖူးတဲ့ ရူပဗေဒကို ပရိတ်သတ်အုပ်စု နှစ်ခုလုံးအတွက် ရည်ရွယ်ပြီး ရေးသားခြင်းဖြစ်ပါတယ် ။(သိပ္ပံပညာရှင်တယောက် မဟုတ်သော်လည်း သင်ခဲ့ဖူးသမျှ အပိုင်းစလေးများကို ရေးသား တင်ပြခြင်းသာဖြစ်ပါတယ်) 

                 နည်းပညာစာပေကို  ရေးသားပြုစုခြင်းနဲ့ ရသစာပေဝထ္ထုရေးခြင်းနဲ့ သဘာဝခြင်း   မတူပါဘူး။ 

ရသစာပေသည်    စိတ်ကူးထဲမှာ   ရှိသလောက်   ချရေးနိုင်ပါတယ်။ နည်းပညာ စာပေကတော့ ကိုယ်ရေး

ချင်သလို   ရေးလို့ မရပါဘူး ။ စာအုပ်ပေါင်းများစွာ    လေ့လာဖတ်ရူရပါတယ်။ မိမိရေးသား ပြီးခဲ့ရင်လည်း 

ရည်ညွှန်းစာအုပ် ၊  ကျမ်းကိုးစာရင်းတွေ    ထည့်ပေးရပါတယ် ။  ကျွန်တော်  ရေးသာတဲ့အခါ   တိုက်ရိုက်
ဘာသာပြန်   မဟုတ်သောကြောင့်   ကျမ်းကိုးစာရင်း    အရေအတွက်များနေ  ပါလိမ့်မယ်။ 
                စာတပုဒ်ချင်းစီရဲ့ အဆုံးမှာ ကျမ်းကိုးစာရင်း အကြိမ်ကြိမ် ဖေါ်ပြရမလို ဖြစ်နေပါတယ်။ အဲဒါကြောင့် ခေါင်းစီး အဖွင့်မာတိကာ (Menu Bar)မှာ ကျွန်တော်လေ့လာတဲ့ စာအုပ်များ ၊ဝက်ဆိုက်များကို ကျမ်းကိုးစာရင်းအဖြစ် ဖေါ်ပြပေးထားပါတယ်။ ကြွရောက်လာသော စာဖတ်ပရ်ိတ်သတ်အနေနဲ့  နည်းပညာ
ဗဟုသုတ အနည်းငယ်မျှ ရရှိသွားခဲ့သော်လုံ့ လစိုက်ထုတ် ပင်ပန်းခံရတာကို ဝမ်းသာပီတိဖြစ်ရပါတယ်။ 

အကြောင်း အမျိုးမျိုးဖြင့် ကြွရောက်လာသော ............ ပရိတ်သတ်များ ခင်ဗျား ……. 

ရူပဗေဒ သပံ္ပကို လေ့လာသင်ယူနေသူ ၊ရှာဖွေဖေတ်ရူနေသူ ၊ကျောင်းသားလူငယ်များအား 

အသင်တို့ ပတ်ဝန်းကျင် နီးစပ်ရာတွင် လက်ဆင့်ကမ်း လမ်းညွန်ပေးမည်ဆိုပါက

နှစ်ထောင်းအားရစွာ ကျေးဇူးတင်ရှိ ပါကြောင်း……...................။ 

ဘလော့ဖန်တီးရန် လမ်းညွန်ပေးသော ကိုအောင်မင်း ၊ 

ဘလော့ဒီဇိုင်း အပြင်အဆင်အားပြုလုပ် ကူညီပေးသော ဘလော့ဂါ “အရာတော်မြေ” 

တို့ အား ကျေးဇူးတင်ရှိပါကြောင်း………......................................................... ဖီးကျူ

ဖီးကျူ -အဓိပ္ပါယ်ဖွင့်ဆိုချက်

       ( ဖီးကျူ  ကလောင်အမည်ဖြင့်   ဘလော့တခုကို ဖန်တီးရေးသားတဲ့အခါ   ( လက်ရှိ)မိတ်ဆွေ

သူငယ်ချင်း  အပေါင်းသင်းများက    ကလောင်အမည်   တမူထူးခြားနေတာမို့     မေးမြန်းတာ တွေ

ရှိလာပါတယ်။   ဒီတော့  အမှာစာ  ကဏ္ဍမှာ   ကျွန်တော့်အကြောင်းကို  ရေးသားဖို့  စိတ်ကူး ဖြစ်

လာပါတယ်။)

          စက်တင်ဘာ ၂ဝဝ၁ ခုနှစ်-ရွှေဘိုဒီဂရီကောလိပ်မှာ  ရူပဗေဒအထူးပြုနဲ့  ပထမနှစ်ကို

စတင်      သင်ယူခဲ့ပါတယ်။   တက္ကသိုလ်  လျှောက်လွာပုံစံတွေ  ဖြည့်တုံးကရူပဗေဒအထူးပြု

ဘာသာကိုလိုချင်လွန်းလို့ 

                               ပထမဦးစားပေး……….ရူပဗေဒ

                               ဒုတိယဦးစားပေး………ရူပဗေဒ

                               တတိယဦးစားပေး……..ရူပဗေဒ……….လျောက်လွှာတင်ခဲ့ပါတယ် ။

         အဲလောက်တောင် ဖြစ်ရသလားကွာလို့ မေးစရာရှိလာပါတယ် ။ မူလတန်းကျောင်းသား 

ကတည်းက  ဒီဘာသာရပ်ကို   လေ့လာသင်ယူချင်စိတ်တွေ  ဖြစ်ခဲ့ရတာပါ ။ ငယ်ငယ်တုန်းက 

နံနက်အိပ်ယာမထခင် ၊ စောင်ခြုံထဲမှာကွေးနေတုံး၊ ရူပဗေဒသီအိုရီတွေ၊ ပုစ္ဆာ တွက်ချက်ပုံတွေ

ကို(နေ့ စဉ်နေ့ တိုင်း) နာကြားခဲ့ရတယ်။ အိမ်ဘေးနားက  ကျွန်တော်ဆရာရဲ့  ရူပဗေဒလက်ချာ

ပေးသံတွေကြောင့်စိတ်ဝင်စားခဲ့တယ်လို့ ပြောရမှာပါ။ ဆရာ့ဆီမှာပဲ  ရူပဗေဒကို စတင်သင်ယူ

နိုင်ခဲ့တယ်။(ကျွန်တော်  ဆယ်တန်းအောင်ပီးတော့ အိမ်ဘေးက  ကျွန်တော့်ဆရာ  ဦးမောင်လှ 

ဆုံးပါးကွယ်လွန်သွားပါတယ် )

      ၁၉၉၉ မှာ ကျွန်တော် (၁ဝ)တန်းအောင်ခဲ့ တယ် ။အဲဒီအချိန်က ဝိဇ္ဇာသိပ္ပံတက္ကသိုလ်တွေ

အကန့် သတ်မရှိပိတ်ထားတဲ့   အချိန်ပေါ့ ။   အဝေးသင်တက္ကသိုလ်နဲ့  တခြား ဝန်ကြီးဌာန က  

တက္ကသိုလ်တွေပဲ ဖွင့်လှစ် သင်ကြားပေးနေတဲ့ အချိန် ။  အောင်စာရင်းထွက်ပြီး    မကြာခင်မှာ  

သူငယ်ချင်းတွေ အားလုံးက    မိမိဝါသနာပါရာ    တက္ကသိုလ်တွေကို     ရောက်နေကုန်ကြပီ ။

ကျွန်တော်ကတော့     သူတို့ လို မဟုတ်ဘူး ။  ဘယ်ကျောင်းက    ဝင်ခွင့်စာမေးပွဲကိုမှ လည်း  

ဝင်မဖြေခဲ့ဘူး ။အပြင်စီးပွါးရေး ၊ပညာလည်း  မသင်ခဲ့ဘူးဗျ ။   

            ဒီတော့ကျွန်တော်ဘာလုပ်သလဲ ဆိုတော့ …ကျွန်တော်ကို …ကျွန်တော်   အလုပ်ခန့် 

ပစ်လိုက်တယ်ဗျ ။ဆရာဖြစ်သင်တန်းကျောင်းရှေ့ ကိုတောင်   ဖြတ်မလျှောက်ခဲ့ဖူးပါဘူး ။(၁ဝ)

တန်း   အောင်စာရင်းထွက်ပီးလို့  မကြာခင်မှာဘဲ ကျူရှင်ဆရာ  ဆိုတဲ့ဆိုင်းဘုတ်ကို  ခပ်တည်

တည်နဲ့  စိုက်ထူခဲ့ပါတယ်။အဲဒီနှစ်မှာတော့   (၉)တန်း (၁ဝ)တန်း  သင်ပေးတာတင် မဟုတ်ဘဲ 

။အလယ်တန်းကျောင်းသားတွေကိုလည်း သင်ပေးလိုက်သေးတယ် ။မူလတန်း ၊ မူကြို   လာပြီး

မအပ်လို့  တော်သေးတာပေါ့ဗျာ ။လာအပ်ရင်လဲ  သင်ပေးမလိုပါ ။အဲဒီနှစ်မှာလား   အလကား

သင်ပေးရ တာပေါ့ဗျာ ။စေတနာ၊ဝါသနာ၊အနစ်နာဆိုတာ  အဲဒီမှာစသိတော့တာပဲ။ ကံကောင်း

ချင်တော့   ဆယ်တန်းကျောင်းသား  တပည့်တွေ  အောင်ကြတယ်ဗျ ၊  တချို့ ဂုဏ်ထူးတောင်

ထွက်ပါသေးတယ်။သူတို့ ဖာသာကြိုးစားလို့  ဂုဏ်ထူးတွေထွက်တာကို ကျွန်တော်က  အချောင်

နာမယ်ကြီးသွားတာပေါ့ ။ 

      ဒါပေမယ့်   နောက်ကွယ်မှာ   နဲနဲတော့  အပြောဆိုခံရပါတယ်။ “ဘွဲ့ ရတွေ  ဒီလောက်ပေါ

တဲ့ခေတ် ၊ကျူရှင်ဆရာတွေ မှိုလိုပေါက်နေတဲ့အချိန်မှာ  …သူက (၁၀)တန်းလေး  အောင်တာနဲ့ 
ဘယ်လောက်တတ်လို့ လဲ ကွာ “တဲ့။  ကျွန်တော်ကလည်း  ကျွန်တော်ပါပဲ     အသက် ၁၇နှစ်နဲ့   

ဆရာတက်လုပ်နေတာကိုး ။ဒါနဲ့  နောက်နှစ်တွေများကြတော့(ဆယ်တန်းကျ)  ငယ်သူငယ်ချင်း

တွေ ၊ ကျွန်တော်ထက်ကြီးတဲ့   အမတွေပါ   ကျူရှင်မှာ ရောက်လာကြတယ် ။   စတစ်ကော်လံ

အဖြူဝတ်ပီး  “ဆရာ”    အခေါ်ခံရရင်ကို   ကျေနပ်နေတဲ့    အချိန်ပေါ့။    ဘယ်ချောင်ကြားက 

ဆရာခေါ်ခေါ်  “ဗျာ” ထူးရရင်   သဘော့ခွေ့ မနောတွေ့   နေချိန်ပါ ။

    (အဲဒီအချိန်မှာ  ကျွန်တော့်ဆရာကြီးတယောက်က  သတိပေးဘူးတယ်ဗျ ၊၊”ဟေးကောင်….

ဆရာခေါ်ခံရတိုင်း   ဟုတ်လှပီ  မထင်နဲ့ ဦး ၊ လူတွေခေါ်တဲ့ ဆရာဆိုတာ    အမျိုးမျိုးရှိတယ် ။

ငါငယ်ငယ်က   ဖြစ်ရပ်လေးတခုကို   ပြောပြမယ်တဲ့ ” ။   “  ကျွန်တော်ဆရာလည်း   တချိန်က  

ဆရာပေါက်စဖြစ်ခဲ့ တာပဲတဲ့ ။ တနေ့ မှာ ကျွန်တော်ဆရာ  မန္တလေးကို  ဈေးဝယ်ထွက်ခဲ့တယ်

တဲ့ဗျာ ။ မန္တလေး ရာသီဥတု  အပူရှိန်ကလည်း ချွေးဒီးဒီးကျပေါ့ ။ဈေးချိုထဲမှာ   လိုအပ်တာတွေ

ဝယ်ခြမ်းလို့ အပြီးမှာ လူလဲတော်တော်ပင်ပန်သွားတယ်တဲ့။ မနက်စာလည်း  မစားရသေးတာမို့ 

ဗိုက်ထဲမှာ ဟာတာတာဖြစ်နေတာကို သတိထားမိတယ် ။အဲဒါနဲ့  ဈေးချိုအထွက်   တရုပ်ကြီးရဲ့

လက်ဖက်ရည်ဆိုင်မှာ      မန်းမြို့ တော်ပေါက်စီ  နဲ့  လက်ဖက်ရည်  သောက်ပြီး    ဝမ်းဖြည့်ဖို့ 

ဆိုင်ထဲကို လှမ်းဝင်လိုက်ပါ  သတဲ့ ဗျာ ။  ပေါက်ဖော်ကြီးက   ဖေါ်ရွေလိုက်တာလဲ    မပြောပါနဲ့ 

တော့ …...။ဆိုင်ဝကိုရောက်ရောက်ချင်း   “ဆရာကြီး….ဆရာကြီး……ဒီကိုကြွပါ …...…..ထိုင်ပါ

ဘာသုံးဆောင်မလဲ    လိုအပ်တာကိုပြောပါ    အားမနာပါနဲ့ လို့ ” ခရီးဦးကြို    ပြုပါတော့တယ် ။

အဲဒီအချိန်မှာ ကျွန်တော်ဆရာက  တရုပ်ကြီးကို မိန့် မိန့် ကြီးပြုံးပြလိုက်ပီး ၊စိတ်ထဲက မှတ်ချက်

လိုက်တယ်တဲ 

      ( “ အင်း ..ဈေးချိုလက်ဖက်ရည်ဆိုင်က  တရုတ်ကြီးကလည်း  ငါ့ကို ဆရာမှန်းသိနေပါလား 

..…မြင်မြင်ချင်းကို   ဆရာကြီးလို့ ခေါ်တာပဲ”)     ။  အဲသလို တွေးမြိပီး   မိန့် မိန့် ကြီး  ထိုင်ယင်း 
 ပေါက်စီတလုံးကို အငမ်းမရ လွေးနေတာပေါ့ဗျာ။ဒီလိုနဲ့ ဆိုင်ထဲကို စာသုံးသူ   (ကတ်စတမ်မာ)
တွေဝင်လာမစဲ တသဲသဲ ။ဈေးချိုထဲက အလုပ်သမားတယောက် ဝင်လာတော့လည်း ၊  ဆိုင်ရှင်
တရုပ်ကြီးကဆရာကြီးလို့ ခေါ်ပြီး ခရီးဦးကြိုပြုပြန်တယ်။အဲနောက်တယောက် အသားငါးတန်းက 
ဟင်းတွေလှီးတဲ့  လုပ်သားတယောက်  ပုဆိုးနံငယ်ပိုင်းလေးနဲ့  ဆိုင်ထဲကို ဝင်လာပြန်တော့လည် 
တရုပ်ကြီးကဆရာကြီးကြွပါလို့  ဆိုပြန်သတဲ့ ။ဒီတော့ ကျွန်တော်ဆရာ မိန့် မိန့် ကြီး ရင်ကော့ပြီး ပေါက်စီကို  စားနေရာက  ခပ်ရို့ရို့လေး  ဖြစ်သွားပါတယ် ။အဲတာနဲ့  ဆိုင်အဝင်ဝကို လှမ်းကြည့်
လိုက်တော့   ဆိုင်ရှင်ပေါက်ဖေါ်ကြီးက  ဝင်လာသမျှ  စာသုံးသူ(ကတ်စတမ်မာတွေ)ကို  ဆရာကြီး
လို့ ခေါ်ပီး  ဧည့်ဝတ်ပြုနေတာကို  တွေ့ ရပါတော့တယ် ။   အဲဒီတော့မှ   ကျွန်တော် ဆရာလည်း 

သဘောပေါက်သွားတယ်။ဒီလိုနဲ့   မှာထားတဲ့ ပေါက်စီကို   ကုန်အောင်စားပီး   လက်ဖက်ရည်ကို

တကျိုက်ထဲမော့ ၊ ကျသင့်ငွေ    သုံးကျပ်ကို   တခါထဲရှင်း ၊    ခပ်ရှက်ရှက်   ကုပ်ချောင်ချောင်းနဲ့   ကားဂိတ်ကို ခြေလှမ်းကျဲကြီးနဲ့ ပြန်လာခဲ့ ရတယ် တဲ့ ဗျာ ။

            အဲသလို  ကျွန်တော့်ဆရာက  ပြောပြလိုက်တော့ ကျွန်တော်လည်း    “ဆရာ” ခေါ်တိုင်း “ဗျာ” မထူးရဲတော့ပါဘူး။ ဒီလိုနဲ့ လူတွေကို သတိထားမိတတ်လာတယ်။ တချို့ ကလဲ လေးစားမှု
နဲ့ ဆရာလို့ ခေါ်ကြပါတယ် ။ဆရာ..ဆရာလို နှစ်ခါဆင့်ခေါ်ရင်တော့ အခြေအနေ  သိပ်မကောင်း
ဘူး အချိုသတ်ပီး   ခိုင်းခံရဖို့    သေချာနေတယ် ။ အံမယ်     ငယ်သူငယ်ချင်းတွေ     ကလည်း 
ဆရာလို့  ခေါ်တယ်ဗျ ။  ခေါ်မှာပေါ့   ဆိုက္ကားသမားကိုတောင်  ဆရာခေါ်နေတဲ့  ခေတ်ဘဲဟာ ။
လမ်းမှာတွေ့ ရင်  ဘယ်လိုခေါ်တယ်မှတ်တုံး  ”ဟိုးဆရာ… ဘယ်တုံး” တဲ့  ။  ဆရာခေါ်ခံရရင်ကို  
ကျီးကန်းတောင်းမှောက်   သတိထားတတ်လာပီ ။ ဆရာလို့  ခေါ်တာချင်း တူပေမယ့်   လေယူ
လေသိမ်း   မျက်စိမျက်နှာ    အနေအထားချင်း    မတူဘူးဗျ။ တပည့်တွေခေါ်တဲ့   ဆရာဆိုတာ  
ယုံကြည်အားကိုးမှု ၊ ချစ်ကြောက်ရိူသေမှုတွေ  ပါသဗျ ။

                   တချို့ က  ဆိုက္ကားဆရာလိုလို ၊   ဗိန္ဓောဆရာလိုလို ၊ နွားသိုးပိုက်တဲ့   ဆရာလိုလို ၊

၊တပ်ကြပ်ကြီးဆရာလိုလို    ခေါ်တတ်ကြသကိုး   ။ဘယ်လိုပဲခေါ်ခေါ်ပါလေ   ဆဲတာမှမဟုတ်တာ

နာခံခက်ဖို့ မလိုဘူးပေါ့ဗျာ။အံမယ် နောက်တမျိုးခေါ်သေးတယ်ဗျ    “ ဟိုး…ကျောင်းဆရာ “  တဲ့ ။

အဲတာကို လက်တို့ ပြီး   မေးကြည့်ရသေးတယ်   ဘာကျောင်းဆရာလဲဆိုတော့  နွားကျောင်းတဲ့ 

ဆရာကို  ပြောတာတဲ့  ။   သြော် ..... ...…နွားကျောင်းသားတောင်      ဆရာဖြစ်နေတဲ့  ခေတ်  

....…ကျွန်တော်(၁ဝ)တန်းအောင်ရုံနဲ့   ကျူရှင်ဆရာလုပ်နေတာ   လွန်သလားဗျာ ။

         ဒီလိုနဲ့ ဘဲ  စက်တင်ဘာ  (၂ဝဝ၁)ခုနှစ်မှာ  ပထမနှစ် ကျောင်းသားအဖြစ်  တက်ရောက်

ခဲ့တာပေါ့။   သူငယ်ချင်းတွေကတော့   နယ် လာတက်ကြတာရော ၊  မြို့ထဲက   သူငယ်ချင်းတွေ

ရောအစုံပေါ့လေ။ ကျွန်တော်တပည့်တွေလဲ   ကျောင်းထဲမှာ   ပြန်တွေ့ တယ်ဗျ ။  တပည့်တွေနဲ့ 

တွေ့ တော့  ဆရာပေါ့ဗျာ ။     သူငယ်ချင်းတွေနဲ့   တွေ့ တော့    ကျောင်းသားပေါ့ ။      အဲဒီမှာ  

ကျွန်တောာ့်    ကျောင်းနေဖက်   သူငယ်ချင်းတွေက    ကျွန်တော်နာမည်ကို     မခေါ်တော့ဘဲ    နာမည်ပြောင်တခုကို   ကင်ပွန်းတပ်လိုက်      ကြတယ်လေ…………………………………။ 

“ဖီးကျူ” တဲ့ဗျာ ။  တယောက်ကအစ  ခေါ်လိုက်တာ    တကျောင်းလုံး     နှံ့ သွားပါလေရော ။ 

ကျွန်တော်နာမည်အရင်းကိုတောင်မသိကြတော့ဘူးဗျ ။       ဒီလိုနဲ့ ကျွန်တော်     “  ဖီးကျူ  “ 
ဖြစ်လာခဲ့တာ့    မန္တလေးတက္ကသိုလ်က မဟာသိပ္ပံဘွဲ့ ရတဲ့ အထိပါဘဲ ။ တက္ကသိုလ်နှစ်လည်
မဂ္ဂဇင်းတွေမှာတောင် ဖီးကျူ    ကလောင်အမည်နဲ့   ဝထ္ထုတိုတွေ   ရေးလိုက်ပြန်သေးတယ် ။  

ကျွန်တော်ကို    အားလုံးက     ဖီးကျူ   လို့ ပဲခေါ်ကြတော့  ပထမဆုံး    ကင်ပွန်းတပ်ပေးတဲ့  
မောင်မင်းကြီးသားကို မေးရပါသေးတယ်။   ဘာကြောင့်   ဖီးကျူ   လို့ ခေါ်တာလဲ   ဆိုတော့ 

          { ဖီး =  ဖီးဆစ် (Physics )   ၊ ကျူ =ကျူရှင်ဆရာ  }   

အဲသလို ရှင်းပြလိုက်တော့မှ ကျွန်တော်သဘောပေါက်သွားပါတယ်။(၆)နှစ်ကြာကျင်လည်ခဲ့တဲ့
တက္ကသိုလ်နယ်မြေမှာ   သူငယ်ချင်းတွေ ခေါ်တဲ့ အမည်ကို အမှတ်တရရှိနေတာမို့ ………....

ဖီးကျူ     လို့ ခေါ်လိုက်တိုင်း  တ က္ကသိုလ်ကျောင်းသားဘဝကို  သတိရနေတာမို့  ..……......

အခုကျွန်တော်  ဘလော့ရဲ့    ကလောင်အမည်ကို  ဖီးကျူ  အမည်နဲ့  ရေးသားနေကြောင်းပါ  

ခင်ဗျား………………….။

............................................................................................................................

.....................................................................................................................ဖီးကျူ